ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ក្រុមហ៊ុន SpaceX – Starlink ស្វែងរកឱកាសវិនិយោគ​នៅកម្ពុជា | សមាគមអភិរក្សសត្វត្មាតពីការផុតពូជប្រចាំទ្វីបអាស៊ី SAVE បានវាយតម្លៃថាវត្តមានសត្វត្មាតនៅកម្ពុជាឆ្លុះបញ្ចាំងពីកិច្ចការពារនិងអភិរក្សធនធានធម្មជាតិបានយ៉ាងល្អ | ទូតអ៉ីស្រាអែលប្ដេជ្ញាចិត្ត ពង្រឹង និងពង្រីកកិច្ចសហប្រតិបត្តិការជាមួយកម្ពុជា ឱ្យកាន់តែរីកចម្រើនបន្ថែមទៀត | ឆ្មាំទន្លេនៅតំបន់ការពារសត្វផ្សោតទន្លេមេគង្គចំនួន ៣រូប ត្រូវបញ្ចប់តួនាទី ក្រោយរកឃើញថាមានជាប់ពាក់ព័ន្ធនឹងការនេសាទខុសច្បាប់ | BREAKING: ដកតំណែងប្រធានសាលាដំបូងខេត្តតាកែវព្រោះដោះលែងទណ្ឌិតជាប់ទោសពីបទឃាតកម្ម មិនទាន់បានអនុវត្តទោស ២/៣ នៃទោសសរុប |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ក្រុមហ៊ុន SpaceX – Starlink ស្វែងរកឱកាសវិនិយោគ​នៅកម្ពុជា | សមាគមអភិរក្សសត្វត្មាតពីការផុតពូជប្រចាំទ្វីបអាស៊ី SAVE បានវាយតម្លៃថាវត្តមានសត្វត្មាតនៅកម្ពុជាឆ្លុះបញ្ចាំងពីកិច្ចការពារនិងអភិរក្សធនធានធម្មជាតិបានយ៉ាងល្អ | ទូតអ៉ីស្រាអែលប្ដេជ្ញាចិត្ត ពង្រឹង និងពង្រីកកិច្ចសហប្រតិបត្តិការជាមួយកម្ពុជា ឱ្យកាន់តែរីកចម្រើនបន្ថែមទៀត | ឆ្មាំទន្លេនៅតំបន់ការពារសត្វផ្សោតទន្លេមេគង្គចំនួន ៣រូប ត្រូវបញ្ចប់តួនាទី ក្រោយរកឃើញថាមានជាប់ពាក់ព័ន្ធនឹងការនេសាទខុសច្បាប់ | BREAKING: ដកតំណែងប្រធានសាលាដំបូងខេត្តតាកែវព្រោះដោះលែងទណ្ឌិតជាប់ទោសពីបទឃាតកម្ម មិនទាន់បានអនុវត្តទោស ២/៣ នៃទោសសរុប |

ប្រទេសចិន និងបេឡារុស្សឈានដល់កិច្ចព្រមព្រៀងកិច្ចសហប្រតិបត្តិការលើវិស័យពាណិជ្ជកម្ម និងសន្តិសុខ

  • ចុះផ្សាយថ្ងៃទី២៣ ខែសីហា ឆ្នាំ២០២៤ ម៉ោង ១៦:៤៤ នាទី ដោយ EAC News
  • 1682
  Aa |   aA

អន្តរជាតិ៖ យោងតាមសេចក្តីថ្លែងការណ៍រួមនៅថ្ងៃទី២៣ ខែសីហានេះបានឱ្យដឹងថា ប្រទេសចិន និងបេឡារុស្សបានឈានដល់កិច្ចព្រមព្រៀងដើម្បីពង្រឹងកិច្ចសហប្រតិបត្តិការក្នុងវិស័យជាច្រើនរួមមាន វិស័យពាណិជ្ជកម្ម សន្តិសុខ ថាមពល និងហិរញ្ញវត្ថុ បន្ទាប់ពីនាយករដ្ឋមន្ត្រីចិន លោក Li Qiang បានជួបពិភាក្សាការងារជាមួយនាយករដ្ឋមន្ត្រីបេឡារុស្ស លោក Roman Golovchenko នៅឯរដ្ឋធានី Minsk ប្រទេសបេឡារុស្ស។

សេចក្តីថ្លែងការណ៍ដែលបានចេញផ្សាយក្រោយបញ្ចប់កិច្ចប្រជុំនៅក្នុងរដ្ឋធានី Minsk ប្រទេសបេឡារុស្សបង្ហាញថា ប្រទេសទាំងពីរ (ចិន-បេឡារុស្ស) ក៏នឹងពង្រឹងកិច្ចសហប្រតិបត្តិការក្នុងខ្សែសង្វាក់ផ្គត់ផ្គង់ឧស្សាហកម្ម និងបន្តពង្រឹងការសម្របសម្រួលពាណិជ្ជកម្មដើម្បីកាត់បន្ថយការចំណាយមិនចាំបាច់មួយចំនួនសម្រាប់ប្រទេសទ្វេភាគី។

សេចក្តីថ្លែងការណ៍ដែលចេញផ្សាយដោយក្រសួងការបរទេសចិនថ្លែងថា ប្រទេសបេឡារុសក៏មានបំណងចង់ពង្រឹងកិច្ចសហប្រតិបត្តិការជាមួយតំបន់ Guangdong-Hong Kong-Macau និងតំបន់ Greater Bay Area ដែលជាតំបន់ពាណិជ្ជកម្មធំគ្របដណ្តប់ទីក្រុងចំនួនប្រាំបួនរួមមានដូចជា  ទីក្រុង Guangzhou, Shenzhen និង Zhuhai ។

យោងតាមកាសែត China Daily បេឡារុស្សគឺជាប្រទេសមួយ ក្នុងចំណោមក្រុមប្រទេសដំបូងដែលឆ្លើយតបនឹងគំនិតផ្តួចផ្តើមខ្សែក្រវ៉ាត់ និងផ្លូវ (BRI ) របស់ចិន ហើយនាយករដ្ឋមន្រ្តីចិនថ្លែងក្នុងអំឡុងដំណើរទស្សនកិច្ចរបស់លោកទៅកាន់រដ្ឋធានីប្រទេសបេឡារុស្សថា ទំនាក់ទំនងចិន-បេឡារុស្សនៅតែមានភាពរស់រវើកក្នុងរយៈពេល ៣២ឆ្នាំកន្លងមកនេះ ទោះបីជាមានការផ្លាស់ប្តូរលើទិដ្ឋភាពអន្តរជាតិមួយចំនួនក៏ដោយ។ ប្រភពពី China Daily ដដែលបញ្ជាក់ថា ចិនគឺជាដៃគូពាណិជ្ជកម្មធំទីពីរ និងជាដៃគូពាណិជ្ជកម្មធំបំផុតរបស់បេឡារុស្សនៅអាស៊ី ជាមួយនឹងទំហំពាណិជ្ជកម្មទ្វេភាគីលើសពី ៨.៤ពាន់លានដុល្លារអាមេរិកកាលពីឆ្នាំ២០២៣។

គួរបញ្ជាក់ថា លោក Li Qiang បានអញ្ជើញដល់ប្រទេសបេឡារុស្សកាលពីថ្ងៃព្រហស្បតិ៍កន្លងទៅ បន្ទាប់ពីបានបញ្ចប់ដំណើរទស្សនកិច្ចលើកដំបូងរបស់លោកទៅកាន់ប្រទេសរុស្ស៊ីក្នុងនាមជានាយករដ្ឋមន្ត្រីចិន៕



ព័ត៌មានជាច្រើនទៀតសម្រាប់អ្នក